ताप्लेजुङ – पहिलो पटक मोटरसाइकल दिन लागिएको ताप्लेजुङ गोल्डकपको सर्वोत्कृष्ट खेलाडी छनौटका लागि समिति बनाइएको छ ।
निवर्तमान अध्यक्ष देवराज गुरुङको संयोजकत्वमा छ सदस्यीय समिति बनाइएको लाखेजात्रा सञ्चालन समितिका अध्यक्ष सागर मादेनले जानकारी दिए ।
मादेनका अनुसार सदस्यमा खेल संयोजक अशोक थेवे, म्याच कमिस्नर सन्तोष गुरुङ, कोशी प्रदेश फुटबल सङ्घ सदस्य लक्ष्मी काफ्ले र पूर्व खेलाडी मनोज गुरुङ रहेका छन् । उनीहरूले गरेको निर्णय अनुसार आयोजकले सर्वोत्कृष्ट खेलाडीलाई मोटरसाइकल प्रदान गर्ने छन् ।
छनौट समितिले फुटबलको नियमको परिधिमा रहेर मापदण्ड बनाउने र त्यही मापदण्डका आधारमा सिफारिस गर्ने समितिका अध्यक्ष देवराज गुरुङले जानकारी दिए ।