साउन १४, २०८३
लाखे जात्रा पर्वको अवसरमा आयोजना हुने ताप्लेजुङ गोल्डकपको चौथो संस्करणमा पहिलो पटक भुटानको टीम ल्याउने प्रयास गरिएको छ ।
अन्तराष्ट्रिय आमन्त्रण गोल्डकपमा यसअघिसम्म भारतको टीम मात्रै सहभागी हुँदै आएको थियो ।
‘भुटानको टिमलाई निमन्त्रणा गरेका छौँ र उहाँहरूसँग बजेटको विषयमा छलफल भइरहेको छ,’ उपाध्यक्ष डिल्ली गुरुङले भने, ‘उहाँहरूले छ लाख खर्च हुन्छ भन्नु भएको छ, हामिले कम बजेटको प्रस्ताव पठाएका छौँ । त्यसमा सहमति भए आउनु हुन्छ ।’
छ लाख खर्च गरेर भनें ल्याउन नसकिने मनस्थितिमा आयोजक छ । भुटानबाट भिसा लगाएर आउनुपर्ने भएकाले प्रकृया र खर्च अलि वढी हुने भएको हो ।
भुटानबाट पहिलो पटक आउने भएकाले ट्रफी लिएर फर्कने तयारीका साथ राम्रा खेलाडीको समूह आउने तयारी भएको उल्लेख छ ।