आश्विन १२, २०८३
ताप्लेजुङ नेपाली काँग्रेस क्षेत्र नम्बर २ (ख) को क्षेत्रीय सभापति उदय आङबुहाङ बन्ने भएका छन् ।
आइतबार बेलुका भएको छलफलमा विश्वनाथ सिटौला र मात्रीका शेर्पाले आङबुहाङलाई समर्थन गरेको वर्तमान क्षेत्रीय सभापति खगेन सिं हाङगामले जानकारी दिएका छन् ।
हाङगामले भने, ‘अन्य पदाधिकारी र महाधिवेशन प्रतिनिधिहरू पनि सहमतिबाटै टुङ्ग्याउने प्रयास र प्रयत्न गरेका छौँ ।’
जिल्ला सचिव युक हां बिर हाङगाम (डम्बर) ले अहिले सहमतिका साथ अगाडि बढ्नुपर्ने भएकाले सबै पदमा सहमति गर्ने गरीको प्रयास भइरहेको बताएका छन् ।
आङ्बुहाङले यसअघिको अधिवेशनमापनि सभापतिमै प्रतिष्पर्धा गरेका थिए । सभापतिका दुवै आकाङ्क्षी आठराई त्रिबेणी गाउँपालिकाका हुन् ।
आठराई त्रिबेणी गाउँपालिका सभापतिमा सोम बिमली सर्वसम्मत सभापति चयन भइसकेका छन् ।