असार ८, २०८३
ताप्लेजुङ – सशस्त्र प्रहरी वल कञ्चनजङ्घा गुल्म ताप्लेजुङले पाथीभरा क्याम्पसका विद्यार्थीसँग लागू औषध दुरुपयोग तथा अवैध ओसार पसार विरुद्ध सचेतना कार्यक्रम सञ्चालन गरेको छ ।
लागू औषध दुरुपयोग तथा अवैध ओसार पसार विरुद्ध अन्तराष्ट्रिय दिवसको अवसर पारेर स्नातक तथा स्नातकोत्तर तहमा अध्ययनरत विद्यार्थीसँग सचेतना कार्यक्रम प्रस्तुत गरिएको हो । क्याम्पस प्रमुख सजन पौडेलका अनुसार सशस्त्र प्रहरी वल कञ्चनजङ्घा गुल्मका गुल्मपति सशस्त्र प्रहरी नायब उपरीक्षक प्रमोद पाठकले सहजीकरण गरेका थिए ।
लागू औषध प्रयोगको अवस्था, यसले पुर्याएको क्षति र बालविवाह सम्बन्धी कानुनी अवस्थाका विषयमा जानकारी तथा अन्तरक्रिया भएको पौडेलले जानकारी दिए । कार्यक्रममा ३६ छात्रा र ६ जना छात्रको सहभागिता रहेको थियो ।