ताप्लेजुङ – १५ औं केन्द्रीय राष्ट्रपति रनिङ शिल्ड प्रतियोगिताको रजत पदकको उपाधि महेन्द्र मावि फाकुम्वाका बिद्यार्थी अमिर लिम्बूले जितेका छन् । ताप्लेजुङको मैवाखोला गाउपालिका ५ फाकुम्वाका उनले एथलेटिक्स तर्फ तीन हजार मिटर दौडमा कोशी प्रदेशको प्रतिनिधित्व गर्दै रजत पदक (दोश्रो स्थान) हात पारेका हुन् ।
अहिलेसम्मको तथ्यांङक अनुसार ताप्लेजुङमा रजत पदक भित्र्याउने सम्भवत उनी पहिलो खेलाडि हुन् । उनले प्रतिष्पर्धिलाई तीन सेकेण्डले उछिनेका थिए । यसअघि राष्ट्रप्रति रनिङशिल्ड प्रतियोगितामा सहभागी भएर आठराईत्रिवेणी गाउपालिका ५ चागे नेसुमकी की चन्द्रकला लाम्गादेले पहिलो उपाधि अर्थात स्वर्ण पदक जितेकी थिइन । उनले ज्याब्लीन थ्रो र सर्टफुटमा जिल्लावाट प्रदेश हुदै राष्ट्रिय प्रतियोगितामा पुगेर उपाध जितेकी थिइन । लाम्गादेले सार्क र एशियन खेलपनि खेलिन् । हाल नेपाल प्रहरीमा कार्यरत उनले जिल्लामा भित्र्याएको यो पहिलो पदक थियो ।
मेरिङदेन गाउपालिका ४ थुकिम्बाका निरज केदेमले ज्याब्लीन थ्रो र फक्ताङलुङ गाउपालिका ३ लिंखिमका मिथुन लिम्बूले सर्टफुटमा यसअघि काश्य पदक (तेश्रो) उपाधि हासिल गरेका थिए । अमिरले भित्र्याएको रजत पदकसगै ताप्लेजुङले स्वर्ण, रजत र काश्य तिनै पदक भित्र्याएको जिल्ला खेलकुद विकास समितिका अधिकृत यज्ञनिधि पौडेल वताउछ्न् । मैवाखोला गाउपालिकाका अध्यक्ष विजय वनेमले खेलकुदमा गरेको लगानीको उपलब्धि यस वर्षको रजतमा प्राप्त भएको उनले वताए । यसवर्षको प्रतियोगिता मैवाखोला गाउपालिकामा भएको थियो ।
जिल्ला खेलकुद विकास समितिका अध्यक्ष गणेश मावो केही दिनको तयारी गर्न पाएको भए स्वर्णको आस गर्न सकिनेमा थकथकी लागेको वताउछन् । यस पटकको प्रतियोगितामा कोशी प्रदेश स्वर्ण पदक विहिन भयोभनें समग्रमा सातौ तथा अन्तिम प्रदेश बन्यो । बसौंपछि आएको रजत पदकले आफुहरुलाई हर्सित वनाएको र पहिलो खुसी मैवाखोला गाउपालिका अध्यक्ष वनेमसग साटेको गणेश वताउछन् । यस वर्षको प्रदेश स्तरीय प्रतियोगितामा जर्सीको व्यवस्थापनि मैवाखोला गाउपालिकाले गरिदिएको थियो ।
२४ गतेदेखि हुुने प्रदेश स्तरीय प्रतियोगिताकालागि ताप्लेजुङले २१ गते सुचना गरेको थियो । २२ गते भेला गराएर २३ गते हिडाएको थियो । एथलेटिक्समा दुई, भलिवलमा एक र कबड्डीमा एक गरी ताप्लेजुङका चारजना प्रदेशवाट केन्द्रीय प्रतियोगिताकालागि छानिएका थिए । बिराटनगरमा २६ गते प्रदेश स्तरीय प्रतियोगिता सकिएपछि बसमा चढाएर त्यतैबाट केन्द्रीय प्रतियोगिताकालागि काठमाण्डौं लगिएको थियो ।