०४ मंसिर २०८३, शुक्रबार

९० वर्षीया वृद्धाको सुनको सिक्री लुटेको अभियोगमा ३० वर्षीय युवक पक्राउ

Logo
Taplejung Press, ताप्लेजुङ प्रेस बिहिबार, मंसिर ०३, २०८३

मंसिर ३, २०८३
ताप्लेजुङ – ९० वर्षीया वृद्धाको घाँटीबाट सुनको सिक्री लुछेर चोरी गरेको अभियोगमा प्रहरीले ३० वर्षीय युवकलाई पक्राउ गरेको छ।
डेढ तोलाको सिक्री चोरी गरेको अभियोगमा फुङ्लिङ नगरपालिका ४ का प्रेम दर्जीलाई पक्राउ गरिएको जिल्ला प्रहरी कार्यालयका सूचना अधिकारी तथा प्रहरी निरीक्षक बिन्देश्वर यादवले जानकारी दिए ।
यादवका अनुसार कञ्चनजङ्घा टोल निवासी ९० वर्षीया सजीमाया लिम्बुको घाँटीबाटै बुधबार बिहान १०ः३० बजेतिर सिक्री लुटेका थिए ।
उनलाई सिक्रीसहित पक्राउ गरिएको यादवले जानकारी दिएका छन् ।
दर्जीविरुद्ध मुलुकी फौजदारी कार्यविधि संहिता २०७४ बमोजिम जिल्ला अदालतबाट पाँच दिनको म्याद लिई अनुसन्धान सुरु भएको प्रहरीले जनाएको छ।
चोरी सम्वन्धि कसुरमा प्रहरीले अनुसन्धान सुरु गरेको जनाइएको छ ।

 

प्रतिक्रिया
हाम्रो बारे
  • www.taplejungpress.com नेपाली भाषाको अनलाइन समाचार पोर्टल हो । यसको कार्यालय कोशी प्रदेशको ताप्लेजुङ जिल्लामा रहेको छ ।
  • सूचना विभाग दर्ता नं. ४५०९/०८०–०८१
हाम्रो टीम
  • सञ्चालक/सम्पादक
    आनन्द गौतम
सम्पर्क
  • कार्यालय सम्पर्क
    9806048066