भाद्र १८, २०८३
ताप्लेजुङ – भोटेकोशीको बाढीले निम्त्याएको विनाशबाट प्रभावित नागरिकको सहयोगार्थ ताप्लेजुङको कञ्चनजङ्घा आवासीय माध्यमिक विद्यालय र कञ्चन एकेडेमीले १ लाख ८४ हजार रुपैयाँ सङ्कलन गरेका छन् ।
निजी विद्यालय अर्गनाइजेसन प्याब्सनका केन्द्रीय सदस्य समेत रहेका दिनेश भट्टराईले दिएको जानकारी अनुसार कञ्चनजङ्गाले १ लाख र एकेडेमीले ८५ हजार रुपैयाँ सङ्कलन गरेका हुन् ।
कञ्चनजङ्घाका विद्यार्थीबाट सङ्कलित ३२ हजार २५, शिक्षक कर्मचारीबाट ३२ हजार ५ सय ५०, विद्यालयको तर्फबाट ३५ हजार ४ सय २५ रुपैयाँ जम्मा भएको छ ।
यस्तै, एकेडेमीका विद्यार्थीबाट ९ हजार ८ सय २५, शिक्षक कर्मचारीबाट २४ हजार र विद्यालयको तर्फबाट ५० हजार १ सय ७५ रुपैयाँ सङ्कलन भएको छ ।
सङ्कलित रकम जिल्ला प्याब्सन ताप्लेजुङ मार्फत प्रभावित क्षेत्रमा पठाउने भट्टराईले जानकारी दिए ।