पुस २३, २०८२
ताप्लेजुङ – सशस्त्र प्रहरी वल कञ्चनजङ्घा गुल्मले जिल्ला कारागारका कैदीबन्दीलाई खेल सामग्री प्रदान गरेको छ । २५ औं प्रहरी दिवसको अवसरमा पाँच थान भलिबल, नेट लगायतका सामग्री प्रदान गरेको हो ।
कारागारमा भलिबल खेल्ने ठाउँ रहेको र कैदीबन्दीलाई शारीरिक व्यायाम हुने भएकाले यस सम्बन्धी सामग्री प्रदान गरिएको गुल्मपति सशस्त्र प्रहरी नायब उपरीक्षक प्रमोद प्रकाश पाठकले जानकारी दिए ।
प्रमुख जिल्ला अधिकारी शिवराज सेढाईको उपस्थितिमा जेलर कुलेन्द्र खवास मार्फत सामग्री प्रदान गरिएको हो । यही अवसरमा सरसफाइ अभियान पनि सञ्चालन गरिएको कञ्चजङ्घा गुल्मले जनाएको छ ।