१९ आश्विन २०८२
ताप्लेजुङ पाँचथरको कुम्यायक गाउँपालिका ३ कार्तिकेमा भएको गाडी दुर्घटनामा मृत्युभएका अभिषेक लिम्बू र धनकुमार लिम्बू मलेसियामा मृत्यु भएका गाउँका साथीको शव लिन हिँडेका पाइएको छ ।
वैदेशिक रोजगारीका लागि मलेसिया गएका मेरिङदेन गाउँपालिका ५ थुकिमाका दीपेस केदेम लिम्बू अस्ति ३० तारेखको दिन बिहान मलेसियामा मृत भेटिएका थिए । थुकिमाका भुपेन नाल्बो लिम्बूका अनुसार उनको शव भाद्र २० गते सोमबार काठमाण्डौमा आउने भएपछि गएका हुन् ।
शव ल्याउन सक्ने जनशक्ति घरमा नभएपछि र मानवीय हिसाबले त्यस्तोबेला सहयोग गर्नुपर्ने भएकाले छिमेकीहरू शव लिन जाने क्रममा आफैं दुर्घटनामा परेको भुपेनले जानकारी दिए । थुकिम्वाबाट गाडी चढेका उनीहरूको घटनास्थलमै मृत्यु भएको पाँचथर प्रहरीले जनाएको छ । चालक सहित १२ जना सवार गाडीका छ जनाको घटनास्थलमै मृत्यु भयोभनें छ जनाको धरानको घोपा क्याम्पमा उपचार भइरहेको छ ।