ताप्लेजुङ – साउन २४ गते भानु जन माध्यमिक विद्यालयको खेल मैदानमा हुने तेश्रो ताप्लेजुङ गोल्डकप उद्घाटन समारोहमा भारत सिक्किममा प्रख्यात सिङ्घी डान्स प्रस्तुत गरिने भएको छ । आयोजक लाखे जात्रा सञ्चालक समितिले १० जनाको नृत्य टोलीलाई आमन्त्रण गरिसकेको छ ।
सिक्किमको नृत्य समूहले देखाउने यो नृत्यलाई हिम सिंहको नृत्यको रूपमा पनि चिनिन्छ । सिक्किमको सांस्कृतिक प्रतीकको रुपमा हिम सिंहलाई चित्रित गर्दै मास्कधारीले नृत्य प्रस्तुत गछर्न । मैदानबाट सुरुहुने यो नृत्य मञ्चमा रहेका दर्शक दीर्घा सम्मपनि पुगेको छ ।
मानिसहरूले फरियाली कपडामा सजिएर हिम सिंहको सांस्कृतिक प्रतीक नृत्यको रूपमा प्रस्तुत गर्दछन् । सिक्किमका हरेक मेला महोत्सवमा यो नृत्य देखाइने गरेको छ । यस्तो नृत्य पहिलो पटक ताप्लेजुङ ल्याउन लागिएको हो ।
