ताप्लेजुङ – नेपाली काँग्रेस जिल्ला कार्य समिति ताप्लेजुङका सचिव गणेश बाबु निरौलालाई पितृ शोक परेको छ । ‘हवल्दार वा’ का नामले प्रख्यात गणेशका पिता टेकराज निरौलाको ८३ वर्षको उमेरमा सदरमुकाम फुङलिङ स्थित आफ्नै निजी निवासमा साउन १५ गते निधन भएको हो ।

१९९९ साल भदौ २५ गते जन्म भएका निरौलाले लामो समयसम्म नेपाल प्रहरीमा काम गरी अवकाश जीवन बिताइरहेका थिए । श्रीमती शान्तादेवी निरौला, छोरा बुहारी गणेशबाबु र विमला न्यौपाने निरौलाका साथमा रहेका हवल्दार वा केही समयदेखि स्वास्थ्य लाभ गरिरहेका थिए । उनका एक छोरा र एक छोरी छन् ।

निरौलाको साउन १६ गते बिहान १० वजे घरबाट शवयात्रा सुरु गरी कावेली घाटमा अन्येष्टि गर्ने छिमेकी लक्ष्मी काफ्लेले जानकारी दिए ।