ताप्लेजुङ – नेपाल विद्युत प्राधिकरण ताप्लेजुङ वितरण केन्द्रले शुक्रबार र शनिबार ११ केभिएको डबल सर्किट लाइन बिस्तार गर्ने भएको छ । बिस्तार हुने क्षेत्रमा बिहान ७ बजेदेखि बेलुका ७ बजेसम्म बिद्युत् सेवा अवरुद्ध हुने बितरण केन्द्रले जनाएको छ ।
बितरण केन्द्रका अनुसार फुङलिङ नगरपालिकाको गुरुङ गुम्बादेखि बगरबारी सम्म, फुङलिङ फिडरबाट निर्यात हुने हाङदेवा, फुरुम्बुको गढी डाँडा, फक्ताङलुङ गाउँपालिकाको सम्पूर्ण क्षेत्र, तिरिङ्गे, पाथीभरा मन्दिर क्षेत्रमा विद्युत अवरुद्ध हुने वितरण केन्द्रले जनाएको छ ।
यस्तै उकाली पानी, पानी ट्याङ्की, बुङकुलुङ र गुम्बाडाँडा क्षेत्रमा पनि बिद्युत् सेवा अवरुद्ध हुने कार्यालयले जनाएको छ । विद्युत सम्बन्धी सेवामा नागरिकले प्रश्न उठाइरहेको वेला वितरण केन्द्रले यसको व्यवस्थापनको लागि प्रयास गरेको हो ।