ताप्लेजुङ – फक्ताङलुङ गाउपालिका ६ लेलेपमा पैदल यात्रीकालागि प्रयोग हुने दुईवटा आरसीसी पुल र सवारी सञ्चालनका लागि प्रयोग हुने एउटा काठको पुल बगाएको छ ।
स्थानीय चाङगा होटलका सञ्चालक सोनाम शेर्पाका अनुसार बुधबार रातीको वर्षा र खोलामा आएको बाढीले गाउँलाई समेत त्रसित बनाएको थियो ‘लेलेपवाट लावाजिन गाउँतिर जाने आरसीसी पुल बगाएपछि आवतजावतमा समस्या भएको छ,’ फक्ताङलुङ ६ लेलेपका वडाध्यक्ष पेम्बाटासी शेर्पाले भने, ‘थाक्पा खोलामा गाडी तर्न बनाएको काठको पुलपनि बगाएकाले ओलाङचुङगोला तर्फ जाने यातायातपनि अवरुद्ध भयो ।’
थाक्पा खोलाबाट उत्पादित बिजुलीको पावर हाउसमा पानी लैजाने कुलो बगाएकाले लेलेपमा विद्युत सेवापनि अवरुद्ध भएको पेम्बाटासीले बताए । यसले साविकका ३, ४, ५, ६ र ७ नम्बर वडा अन्धकारमा परेका छन् ।
लावाजिन गाउ जाने पुल वडाले बनाएको थियोभने स्थानीसँगको सहकार्यमा विद्युत उत्पादन गरिएको थियो ।