ताप्लेजुङ – मङ्गलबार राती चट्याङ लागेर घाइते भएका सिदिङवा गाउँपालिका ५ लिम्बूदिनका मिसन लिम्बूको आँखामा समस्या देखिएपछि ताप्लेजुङबाट थप उपचारका लागि झापा लगिएको छ । 

 आँखा उपचार केन्द्र ताप्लेजुङका स्वास्थ्यकर्मी काजी थेवेका अनुसार उनको दुवै आँखाको नानीमा समस्या देखिएको छ । तुलनात्मक रुपमा दाहिने आँखाको नानीमा वढी समस्या छ ।

‘हामीले झापाको बिर्तामोड स्थित मेची आँखा अस्पतालमा जान सल्लाह दिएका छौँ’ क्लिनिक इन्चार्ज काजी गुरुङले भने । अविरल वर्षासहितको चट्याङले घरमै बसिरहेका लिम्बूलाई घाइते बनाएको थियो ।

मङ्गलबारनै चट्याङ लागेर यही गाउँपालिका ३ आंखोपका राजकुमार लिम्बुको मृत्यु भएको छ । सिमलको रुख छेउमा घर भएका उनलाई रुखमा परेको चट्याङको छार्कोले भेटेर घाइते बनाएको र उपचारको क्रममा सावलाखु उपस्वास्थ्यचौकीका मृत्यु भएको प्रहरीले जनाएको छ ।